Screenplay

இயற்கையாகவே ஒரு கதையை கேட்கும்போது அதன் visual காட்சி நம் மணக்கண்ணில் தோன்றுவது இயல்பு அதை திரைப்படுத்துவதற்க்கான இன்னொரு எழுத்தின் வடிவம் திரைக்கதை என்றே நான் கருதுகிறேன்.

அதில் காட்சியின் விளக்கங்கள் மட்டுமில்லாது கேமராவின் கோணங்கள், நடிகனிடமிருந்து வெளிப்படவேண்டிய நடிப்பு குறிப்புகள், வசனம், காட்சி நடக்கும் தளம் மற்றும் கால குறிப்புகள், தளத்தில் இடம்பெறவேண்டிய விஷயங்கள் குறித்த விவரங்கள் முழுமையானதாக இருக்கவேண்டும்.

மேலும் நடிகர் சம்பந்தப்பட்ட காட்சிகளையோ, இடம் சார்ந்த காட்சிகளையோ அல்லது நேரம் சார்ந்த காட்சிகளையோ பிரிப்பதற்கு எதுவாக இருத்தல் இன்னும் சிறப்பு.

ஆனால், 

திரைக்கதை என்பது நாடகத்திற்க்காகவோ நாவலுக்காகவோ எழுதப்படுபவை அல்ல ஒரு கதையை திரையில் ஒரு குறிப்பிட்ட கால அளவுக்குள் காட்சிகளாக விவரிப்பது. 

A story told in pictures.

இரண்டு பேர் பேசிப்பேசி மாய்ந்தால் அது நாடகம், சம்பவத்தை வர்ணித்தால் அது சிறுகதை அல்லது நாவல் என்கிறார் திரு.சுஜாதா அவர்கள்.

காட்சிகள் அனைத்தும் குறிப்பிட்ட கால அளவுகளில் அடங்கவேண்டியவை ஆதலால் ஒரு காட்சி எத்தனை நேரம் பிடிக்கும் என்றும் ஒரு காட்சியை நாம் எத்தனை shot களாக பிரிக்கிறோம் என்றும் அந்த shot களுக்கான நேரத்தை பற்றிய தெளிவு அவசியம் வேண்டும் என்றே கருதுகிறேன்.

கதையை நாம் எப்படி சொல்ல போகிறோம் என்ற உயர்ந்த யோசனையிளிருந்தோ அல்லது வித்தியாசமான உக்தியிலிருந்தோ அல்லது மறக்க முடியாத ஒரு கதா பாத்திரத்தின் வளர்ச்சியில் திரைக்கதை துவங்குகிறது.  

One line ஆக விரியும் Outline. திரைகதை எழுதும் முன் கதையின் ஆரம்பம், முடிவு, மற்றும்  முக்கிய நிகழ்வுகள் குறித்து அறிந்து வைத்திருக்க வேண்டும் ( Beginning, End, turning point, main  scenes, important Plots ) 

காட்சிகள் அனைத்துமே கதையை அடுத்த தளத்துக்கு எடுத்து செல்ல வேண்டும். 

திரை என்பது visual media ஆகவே வசனங்கள் மூலமாக பேசுவதை விட காட்சிகள் மூலம் பேசுவதே சிறந்தது.

தேவையான காட்சிகள்,  தேவையான வசனங்கள், நேர்த்தியான காட்சியமைப்பு இவையனைத்தும் குறிப்பிட்ட நேரத்திற்குள் தெளிவாக பார்வையாளருக்கு புரியும்படியாக திரைக்கதை அமைய வேண்டும் என்று கருதுகிறேன்.

திரைக்கதை என்பது காட்சிகளின் தொகுப்பு, ஒரு சம்பவம் காட்சிகளினாலும் வசனங்களாலும் விவரிக்கப்படுவது.

­

திரைக்கதை எழுதும்முன் நாம் தெளிவாக முடிவு செய்ய வேண்டியவை

நமது ஐடியா என்ன?

சப்ஜக்ட் என்ன?

யாரால் என்ன நடக்கிறது ?

அதன் முடிவு என்ன?

திரைக்கதையின் அமைப்பை பற்றி தொடர்ந்து படிக்கலாம் – திரைப்பட மாணவன்